ශ්‍රී ලාංකේය ජ්‍යෙෂ්ඨ කලාකරුවන් ඇගයිමට ලක් කරමින් ඔවුනට රාජ්‍ය සම්මානයෙන් උපහාර දැක්විම උදෙසා සංස්කෘතික කටයුතු දෙපාර්තමේන්තුව, හින්දු ආගමික කටයුතු හා සංස්කෘතික කටයුතු දෙපාර්තමේන්තුව හා මුස්ලිම් ආගමික හා සංස්කෘතික කටයුතු දෙපාර්තමේන්තුව ඒකාබද්ධව වාර්ෂිකව සංවිධානය කරනු ලබන කලාභූෂණ සම්මාන පිරිනැමිම 2021 වසරේ දෙසැම්බර් මස 15 වන දින පැවැත්විමට නියමිත ය. ඒ සඳහා කෑගල්ල දිස්ත්‍රික්කයේ කලාභූෂණ සම්මානය සඳහා සුදුසුකම් සහිත ප්‍රවීන කලාකරුවන් තෝරා ගැනීමේ සම්මුඛ පරීක්ෂණය අද (19) පෙරවරුවේ දි දිස්ත්‍රික් ලේකම් කාර්යාලීය ශ්‍රවනාගාරයේ දී පැවැත්විණි.

කෑගල්ල දිස්ත්‍රික්කයේ ප්‍රාදේශීය ලේකම් කොට්ඨාස 11ම ආවරණය වන පරිදි කලාකරුවන් 11 දෙනෙකු මෙම සම්මුඛ පරීක්ෂණය සඳහා ඉදිරිපත් වූ අතර ඉන් කලාකරුවන් 05 දෙනෙකු ජාතික සම්මාන උළෙල සඳහා නිර්දේෂ කරනු ලැබේ.

මෙම අවස්ථාවට කෑගල්ල අතිරේක දිස්ත්‍රික් ලේකම් (පාලන) චරිතා ඉලංගකෝන්, සහකාර දිස්ත්‍රික් ලේකම් මල්ෂා එල් ප්‍රියදර්ශනී යන මහත්මීන් ඇතුලු නිලධාරීන් පිරිසක් එක්ව සිටිය හ.