2019 වසර තිරසර සංවර්ධන අරමුණු සාක්ෂාත් කරගැනීම සඳහා වැඩි අවධානයක් යොමු කළ යුතුයි
===========================================================
එළඹුණ නව වසර තිරසර සංවර්ධන අරමුණු සාක්ෂාත් කර ගනීම සඳහා වැඩි බරක් තැබමින් කටයුතු කළ යුතු වසරක් බව කෑගල්ල දිස්ත්‍රික් ලේකම් චන්ද්‍රසිරි බණ්ඩාර මහතා 2019 වසර සඳහා කාර්යාලයේ වැඩ ආරම්භ කරමින් සඳහන් කළේය.
2025 වන විට කෑගල්ල ආසියාවේ ප්‍රමුඛ ජනාවාසය කිරීම සඳහා තිරසර සංවර්ධන අරමුණු එකින් එක සාක්ෂාත් කර ගැනීමේ අවශ්‍යතාව පැහැදිලි කළ දිස්ත්‍රික් ලේකම්වරයා දිස්ත්‍රික්කයේ ආබාධිත පුරවැසියන් සඳහා වන නිවාස ව්‍යාපෘතිය මේ වසර පළමු මාස හතර තුළ නිම කළ හැකි බව සඳහන් කළේය.
එමෙන්ම මෙම වසර අවසානය වන විට දිස්ත්‍රික්කයේ වැසිකිළි අහිමි පවුල් 5442 ක ප්‍රමාණයක් සඳහා වැසිකිලි තනා දීමේ වැඩසටහන ද නිම කිරීමට අවශ්‍ය කටයුතු මේ වන විට ක්‍රියාත්මක කරමින් තිබේ. එමෙන්ම සැමට අධ්‍යාපනය සඳහා ප්‍රවේශ වීමේ තිරසර අරමුණ ඉටුකර ගැනීම සඳහා දිස්ත්‍රික්කයේ අධ්‍යාපන අවශ්‍යතා සම්පූර්ණ කර ගත නොහැකි සිසු දරු දැරියන් වෙත අරමුදලක් සම්පාදනය කර ගැනීමට සුවිශේෂි වැඩසටහන් රැසක් ද ක්‍රියාත්මක කෙරෙනු ඇත.
පසුගිය වසරේ හිමිවූ සාර්ථක අත්දැකීම් මෙන්ම අසාර්ථක වූ අවස්ථා පිළිබඳව අවධානය යොමු කරමින් මෙම වසරේ තම රාජකාරී කටයුතු සිදුකිරීමට සියළු රාජ්‍ය නිලධාරීන් කටයුතු කළ යුතු බව ද දිස්ත්‍රික් ලේකම්වරයා වැඩිදුරටත් සඳහන් කළේය.
රාජ්‍ය සේවා ප්‍රතිඥාව ලබා දීමද මෙහි දී සිදු කෙරිණි.
මේ අවස්ථාව සඳහා අතිරේක දිස්ත්‍රික් ලේකම් නාලිකා පියසේන, දිනීෂා රත්නායක යන මහත්මීන් ඇතුළු දිස්ත්‍රික් ලේකම් කාර්යාලයේ සියළුම නිලධාරීන් මේ අවස්ථාව සඳහා සහභාගී වූහ.

 

ආබාධ සහිත තැනැත්තන්ගේ දස්කම් එළිදැක්වීමක් - කෑගල්ලේ දී
============================================
ආබාධිත සහිත තැනැත්තන් සඳහා ජාත්‍යන්තර දිනය නිමිත්තෙන් සමාජ සේවා අමාත්‍යංශය හා කෑගල්ල දිස්ත්‍රික් ලේකම් කාර්යාලයේ සමාජ සේවා අංශය එක්ව සංවිධානය කරන කළ ආබාධ           සහිත තැනැත්තන් සවිබල ගැන්වීම සහ අන්තර්කරණය හා සමානාත්මතාවය තහවුරු කෙරෙන වැඩසටහනක් අද තෝලන්ගමුව ආබාධිත ළමා සංවර්ධන මධ්‍යස්ථානයේ දී පැවැත්විණි.
මෙම වසරේ පැවති පාසල් කඩයිම් මඟින් උසස් ලෙස සමත් වූ ආබාධ සහිත ශිෂ්‍ය ශිෂ්‍යාවන්ට ත්‍යාග හා සහතික පත් ලබා දීම ද මෙහි දී සිදුකෙරිණි. ඒ අනුව පහේ ශිෂ්‍යත්ව විභාගයෙන් ඉහළම      ලකුණු ලබාගත් සහ සාමාන්‍ය පෙළ විභාගයෙන් උසස් ලෙස සමත් වූ සහ උසස් පෙළ විභාගයෙන් වෛද්‍ය අංශයෙන් විශ්ව විද්‍යාල ප්‍රවේශය ලැබූ ශිෂ්‍ය ශිෂ්‍යාවන්ට ත්‍යාග හා සහතික පත් ලබා දීම       සිදු කෙරිණි.
මෙම වැඩසටහන තුළින් ආබාධිත තැනැත්තන්ගේ සුවිශේෂී දක්ෂතා සඳහා ඇගයීම් කිරීම , ඒ සඳහා ත්‍යාග සහතික පත් හා මූල්‍ය ප්‍රදානය කිරීම ද සිදු කෙරිණි.
මෙම අවස්ථාවට කෑගල්ල දිස්ත්‍රික් ලේකම් චන්ද්‍රසිරි බණ්ඩාර , අතිරේක දිස්ත්‍රික් ලේකම් නාලිකා පියසේන, සහකාර දිස්ත්‍රික් ලේකම් නර්මදා එගොඩගෙදර යන මහත්ම මහත්මීන් ද, වරකාපොළ        ප්‍රාදේශීය ලේකම් කාර්යාලයේ සැලසුම් අධ්‍යක්ෂ, දිස්ත්‍රික් සමාජ සේවා නිලධාරී සහ ප්‍රාදේශීය සමාජ සේවා නිලධාරීන් , ආබාධිත දරුවන් සහ ඔවුන්ගේ දෙමාපියන් ඇතුළු පිරිසක් සහභාගී වී සිටියහ.

   

ලාංකීය සංස්කෘතිය හා කලාව සුපෝෂණය කිරිම සඳහා සංස්කෘතික අමාත්‍යාංශ මඟින් ක්‍රියාත්මක කරන වැඩසටහන් මාලාවේ කෑගලු දිස්ත්‍රික් වැඩසටහන සංස්කෘතික කටයුතු අධ්‍යක්ෂ අනුෂා ගෝකුල ප්‍රනාන්දු මහත්මියගේ සහභාගිත්වයෙන් කෑගල්ල දිස්ත්‍රික් ලේකම් කාර්යාලයේදී පසුගිය දා පැවැත්විණි.

ව්‍යාපාර නගාසිටුවීම සදහා කෑගලු මහ දිසාපති තුමන්,

කුඩා ව්‍යාපාර සංවර්ධන අංශය එක්ව සංවර්ධන නිලධාරීන් සමග "වට මඩල'' වැඩසටහනේදී..