181585482 1467974490210776 9210159569293512826 n

 

දිස්ත්‍රික්කයේ කඩසාප්පු ඇතුළු වෙළධසැල් මැයි 15 දක්වා දවසක් හැර දවසක් විවෘතව තබා ගමු.

177935819 1464577147217177 7053354006091902965 n පළාත් සභා පාසල් දින තුනක් වැසීමට පියවර

මුව ආවරණ නොපළදින පුද්ගලයින් නිරෝධායන නීති යටතේ අත්අඩංගුවට

පවතින කෝවිඩ් අවධානම හේතුවෙන් සබරගමු පළාත් ආණ්ඩුකාර ටිකිරි කොබ්බෑකඩුව මහතාගේ උපදෙස් පරිදි කෑගල්ල දිස්ත්‍රික්කයේ පළාත් සභා පාසල් අප්‍රේල් 30 දක්වා දින තුනක් වැසීමට පියවර ගත් බව කෑගල්ල දිසාපති/දිස්ත්‍රික් ලේකම් මහින්ද එස් වීරසූරිය මහතා අද (27) සඳහන් කළේය.
උද්ගතව ඇති කෝවිඩ් අවධානම හේතුවෙන් කෑගල්ල දිස්ත්‍රික්කයේ තත්ත්වය කළමනාකරණය කර ගැනීම සඳහා සබරගමු පළාත් ආණ්ඩුකාර ටිකිරි කොබ්බෑකඩුව මහතා සහ දිස්ත්‍රික්කයේ මැති ඇමතිවරුන්ගේ ප්‍රධානත්වයෙන් අද දින පෙරවරුවේ දිස්ත්‍රික් කෝඩිව් නිවාරණ කමිටුව රැස් වූ අතර දිස්ත්‍රික්කයේ කෝවිඩ් ව්‍යාප්තිය අවම කර ගැනීම සඳහා ගත යුතු පියවර රැසක් සාකච්ඡාවට ලක් කෙරිණි.
සඳහා මහජනතාවගේ සහයෝගය නොමැතිව දිස්ත්‍රික්කයේ කෝවිඩ් ව්‍යාප්තිය අවම කිරීම අසීරු කාර්යයක් බව කෑගල්ල දිස්ත්‍රික් සෞඛ්‍ය වෙද්‍ය අධ්‍යක්ෂ වෛද්‍ය කුමාර් වික්‍රමසිංහ මහතා මෙහි දී සඳහන් කළේය. පසුගිය අළුත් අවුරුදු සමයේ ජනතාව අනාරක්ෂිතව හැසිරීමේ ප්‍රතිඵලයක් ලේස මේ වන විට ඉතා සීඝ්‍රයෙන් කෝවිඩ් රෝගීන් ඉහළ යාමේ අවධානමක් ඇති බවත් ඉදිරියේ දී සංචරණය සීමා කර ගනිමින්, සෞඛ්‍යාරක්ෂිත පිළිවෙත් දැඩිව පිළිපැදීමෙන් පමණක් ඉන් වැලකීමට හැකි වනු බවත් මෙහි දී අවධාරණය කළේය.
එමෙන්ම ඉදිරියේ දී කෝවිඩ් රෝගීන් සඳහා වෙන් කෙරුණු රෝහල් කිහිපයක් දිස්ත්‍රික්කය තුළ ස්ථාපිත කිරීමට පියවර ගන්නා බව මෙහි දී අනාවරණය වූ අතර ඒ අනුව බෙලිගල, කිතුල්ගල යන ප්‍රාදේශීය රෝහල් සහ අරණායක ,අමිතිරිගල සහ හිගුරලකන්ද යන ප්‍රාදේශීය රෝහල්වල භාවිතයට ගතහ හැකි වාට්ටු ද මේ සඳහා යොදා ගැනීමට අපේක්ෂා කරන බව දිස්ත්‍රික් සෞඛ්‍ය වෛද්‍ය අධ්‍යක්ෂවරයා මෙහි දී පෙන්වා දුන්නේය. එමෙන්ම වරකාපොළ රෝහලේ ඇඳන් 17 කින් යුතු දැඩි සත්කාර සංකීර්ණයක් ද කඩිනමින් ඉදිකිරීම සඳහා ද කටයුතු කෙරෙන බව මෙහි දී අනාවරණය විය.
මුඛ ආවරණ නොමැතිව සැරිසරන පුද්ගලයින් නිරෝධායන නීති රීති යටතේ අත්අඩංගුවට ගැනීමට කටයුතු කන්නැයි ආණ්ඩුකාර ටිකිරි කොබ්බෑකඩුව මහතා ආරක්ෂක අංශවලට උපදෙස් ලබා දුන්නේය. එමෙන්ම මහජනතාව දැනුවත් කිරීම උදෙසා කෝව්ඩ් වසංගතයේ දරුණු ස්වරූපය පෙන්නුම් කරන අයුරින් රාජ්‍ය ආයතනවල සහ නගරබදව වීඩියෝ දර්ශන ප්‍රදර්ශනය කිරීමට ද කටයුතු කළ යුතු බව ද මෙහි දී සාකච්ඡාවට ලක් කෙරිණි.
සබරගමු පළාත් සභාව විසින් කෑගල්ල දිස්ත්‍රික්කයේ පළාත් පාලන ආයතන වෙත කෝවිඩ් නිවාරණ කටයුතු වෙනුවෙන් මුදල් ප්‍රතිපාදන වෙන් කරන බව ආණ්ඩුකාරවරයා විසින් මෙහි දී සඳහන් කළ අතර ඒ අනුව එම මුදල් කෝවිඩ් නිවාරණ කටයුතු වලට පමණක් වෙන් කරන ලෙස පළාත් පාලන නියෝජිතයින්ට උපදෙස් ලබා දුන්නේය.
එමෙන්ම නිරෝධායනයට ලක්වන පවුල් සඳහා සහන සැලසීම , ග්‍රාමීය සහ ප්‍රාදේශීය කෝවිඩ් කමිටු සක්‍රීයව පවත්වාගෙන යාම, කෝවිඩ් අවධානම හේතුවෙන් රජයේ කාර්යාල වල නිලධාරීන් සීමා කිරීම ආදී කරුණු රැසක් ද මෙහි දී සාකච්ඡාවට ලක් කෙරිණි.
මේ අවස්ථාව සඳහා සමාගම් වතු ප්‍රතිසංස්කරණ, තේ හා රබර් ආශ්‍රිත භෝග වගා සහ කර්මාන්තශාලා නවීකරණය හා තේ හා රබර් අපනයන ප්‍රවර්ධන රාජ්‍ය අමාත්‍ය කනක හේරත්, කලාපීය සහයෝගිතා රාජ්‍ය අමාත්‍ය තාරක බාලසූරිය, කෑගල්ල දිස්ත්‍රික් පාර්ලිමේන්තු මන්ත්‍රී උදයාක්න ගුණතිලක, කෑගල්ල දිස්ත්‍රික් පාර්ලිමේන්තු මන්ත්‍රී සුදත් මංජුල යන මහත්වරුන්, ප්‍රාදේශීය සභා සභාපතිවරුන් ඇතුළු දිස්ත්‍රික් දේශපාලන අධිකාරිය, කෑගල්ල දිස්ත්‍රික් අතිරේක දිස්ත්‍රික් ලේකම් දිනීෂා එස් රත්නායක, සහකාර දිස්ත්‍රික් ලේකම් විජයානි රත්නසේකර යන මහත්මීන් ඇතුළු සියළුම ප්‍රාදේශීය ලේකම්වරුන්, කෑගල්ල දිස්ත්‍රික් කෝවිඩ් නිවාරණ කමිටුවේ සම්බන්ධීකාර බ්‍රිගේඩියර් එල්.ඒ.ජේ.එල්.බී උඩෝවිට මහතා ඇතුළු ආරක්ෂක අංශ වල සාමාජිකයින්, කෑගල්ල මහ රෝහලේ අධ්‍යක්ෂිකා මිහිරි ප්‍රියංගනී වසංගතරෝග විද්‍යාඥ වෛද්‍ය සුජීව බණ්ඩාර යන මහත්ම මහත්මීන්, කෑගල්ල කලාප අධ්‍යාපන අධ්‍යක්ෂ එච්.අයි.ඩී.සී ඉද්දමල්ගොඩ මහත්මිය මාවනැල්ල සහ දෙහිඹ්විට කලාප අධ්‍යාපන අධ්‍යක්ෂවරුන් ඇතුළු රාජ්‍ය ආයතන රැසක නිලධාරීන් සහභාගී වූහ.

177645199 1465285497146342 8714818189164145863 n  “සෞභාග්‍යයේ දැක්ම” ප්‍රතිපත්ති ප්‍රකාශයට අනුව රටේ තිරසාර සංවර්ධනයක් ඇති කිරීමෙහි ලා කාබනිත ආහාර නිෂ්පාදනය දිරි ගැන්විම වෙනුවෙන් වැඩසටහන් ගණනාවක් ක්‍රියාවට නැංවේ.


එම අරමුණ යථාර්ථයක් බවට පත් කිරිම සඳහා වන තවත් අදියරක් ලෙස රඹුක්කන හේවාදිවෙල ප්‍රදේශයේ ගොවීන් 18 දෙනෙකු තෝරා ගනිමින් කාබනික එලවලු වගා ව්‍යාපෘතියක් දැනටමත් ක්‍රියාත්මක වේ. ඒ ඔස්සේ එම ගොවීන්ගේ කෘෂි නිෂ්පාදන සඳහා අවශ්‍ය පහසුකම් සපයා දෙමින් වෙළද පොළ අවස්ථා සකසා දිම ප්‍රධානම අපේක්ෂවයි.


ඒ අනුව සාම්ප්‍රදායික කෘෂි රටාවන් ඔස්සේ වස විසෙන් තොර කාබනික ආහාර පාරිභෝගිකයින්ට ලබා දීමේ අරමුණ පෙරදැරිව දකුණු කොරියානු ග්යෝන්සාන්බුක් පළාත් සභාව , සේමාවුල් ගෝලියකරණ පදනම හා සබරගමු පළාත් සභාව ඒකාබද්ධව ඉදි කළ සෙමාවුල් (GAP) එළවලු සැකසුම් මධ්‍යස්ථානයක් විවෘත කිරිම අද (28) දින පෙරවරුවේ රඹුක්කන හේවාදිවෙල දි සිදුකෙරිණි.


මෙහි දි කෑගල්ල දිසාපති/ දිස්ත්‍රික් ලේකම් මහින්ද එස් විරසූරිය මහතා ප්‍රකාශ කළේ දේශීය වගාකරුවන්ට තම නිෂ්පාදනයන් සඳහා අවශ්‍ය දිරිගැන්වීම් ප්‍රවර්ධනය කිරිම තුලින් එම ජනතාවගේ ආර්ථිකය ශක්තිමත් කිරිමත් ඒ තුලින් ජාතික ආර්ථිකය නඟා සිටුවිමත් සිදුවන බව ය.


මෙම අවස්ථාවට රඹුක්කන ප්‍රාදේශිය සභාවේ සභාපති අතුල හඳගම, රඹුක්කන ප්‍රාදේශිය ලේකම් ඉන්දික ලියනගේ, සෙමාවුල් පදනමේ අධ්‍යක්ෂ පාර්ක් යන මහත්වරුන් ඇතුලු සහකාර සමුපකාර කොමසාරිස් (මාවනැල්ල කලාපය), ග්‍රාම නිලධාරී, සංවර්ධන නිලධාරී, කෘෂි කර්ම ක්ෂත්‍රයට සම්බන්ධ නිලධාරීන් පිරිසක් සහභාගී වී සිටිය හ.

176518754 1465296827145209 7394204205700007747 n අතිගරු ජනාධිපති ගෝඨාභය රාජපක්ෂ මැතිතුමාගේ “සෞභාග්‍යයේ දැක්ම” ප්‍රතිපත්ති ප්‍රකාශයට අනුව ග්‍රාමීය සංවර්ධනය පෙරදැරි කර ගත් 9 වන ගම සමඟ පිළිසඳර වැඩසටහන පසුගිය පෙබරවාරි 06 වන දින දැරණියගල ප්‍රාරාදේශීය ලේකම් කොට්ඨාසයේ දික්ඇල්ල කන්ද කණිෂ්ඨ විද්‍යාලීය පරිශ්‍රයේ දී පැවැත්විණි.

එහි දී ජනතාව විසින් ඉදිරිපත් කළ ගැටලු සඳහා ජනාධිපතිවරයා ලබා දුන් උපදෙස් අනුව මේ වන විට එහි වත්මන් ප්‍රගතිය විමසා බැලීමේ දෙවන ප්‍රගති සමාලෝචන රැස්විම අද (28) දින පෙරවරුවේ දී කෑගල්ල දිසාපති/ දිස්ත්‍රික් ලේකම් මහින්ද එස් වීරසූරිය මහතාගේ ප්‍රාධානත්වයෙන් කාර්යාලීය ශ්‍රවනාගාරයේ දි පැවැත්විණි.

එහි දී මහා මාර්ග හා පාලම්, ප්‍රජා ජල හා පානීය ජල ව්‍යාපෘති, ඉඩම් හා සම්බන්ධ ගැටලු ඇතුලු කරුණු ගණාවක් සම්බන්ධව ඊට අදාල රාජ්‍ය ආයතන නිලධාරීන් විසින් ගෙන ඇති වත්මන් ප්‍රගතිය විමසා බැලීම සිදු කෙරිණි.

මෙම අවස්ථාවට කෑගල්ල අතිරේක දිස්ත්‍රික් ලේකම් ( ඉඩම් හා සංවර්ධන) දිනීෂා එස් රත්නායක, දිස්ත්‍රික් සැලසුම් අධ්‍යක්ෂ ඒ.ඒ. විරකෝන්, නියෝජ්‍ය අධ්‍යක්ෂ සැලසුම් ඊ.ආර් ගාමිණී යන මහත්ම මහත්මීන් හා මාර්ග සංවර්ධන අධිකාරිය, ජල සම්පත් මණ්ඩලය හා ප්‍රජා ජල සැපයුම් දෙපාර්තමේන්තුව, ඉඩම් ප්‍රතිසංස්කරණ කොම්ෂන් සභාව ඇතුලු අදාල ආයතනවල නිලධාරීන් පිරිසක් සහභාගී වී සිටිය හ.

166565222 1445059022502323 5017101566362921316 n
 
 
 
 
රජයේ සංවර්ධන , පරිපාලන හා වත්කම් කළමණාකරන කටයුතු වලදී කත්සේරු දෙපාර්තමේන්තුව මගින් විශාල සහයෝගයක් ලැබෙන බව කෑගල්ල දිසාපති/ දිස්ත්රික් ලේකම් මහින්ද එස් විරසූරිය මහතා සඳහන් කළේය.
කෑගල්ල දිසාපතිවරයා මෙසේ සඳහන් කළේ අද( 31 ) පෙරවරුවේ කෑගල්ල දිස්ත්රික් තක්සේරු දෙපාර්තමේන්තුවේ නව කාර්යාලය විවෘත කිරිමෙන් පසුව පැවති වැඩ සටහනකට සහභාගී වෙමිණි.
කෑගල්ල දිස්ත්රික්කයේ ජනතාවට තක්සේරු දෙපාර්තමේන්තුව මගින් සිදු කර ගත යුතු කාර්යයන් කර ගැනීම සඳහා මෙතෙක් කල් රත්නපුර පළාත් කාර්යාලයට යෑමට සිදු වු අතර මෙම නව කාර්යාලය විවෘත කිරිමෙන් පසු එම සියළු කාර්යයන් මෙහිදි ඉටු කර ගැනීමට හැකි වන බව දිසාපතිවරයා වැඩි දුරටත් සඳහන් කළේය.
මෙම අවස්ථාවට රජයේ ප්රධාන තත්සේරුකරු පී. ඩී. ඩී. එස් මුතුකුමාරණ මහත්මිය ඇතුළු නියෝජ්ය ප්රධාන තක්සේරුකරු, දිස්ත්රික් ප්රධාන තක්සේරුකරු ඇතුළු දෙපාර්තමේන්තුවේ නිළධාරීන් පිරිසක් සහභාගී වී සිටියහ.
 

                          

 

කෑගල්ල දිස්ත්‍රික් සම්පත් පැතිකඩ යාවත්කාලින කිරිම පිළිබඳ රජ්‍ය නිළධාරින් දැනුවත් කිරිමට කටයුතු කෙරේ.

--------------------------------------------------------------------

සංවර්ධන හා පරිපාලන කටයුතු පහසුකර ගැනිම සඳහා තොරතුරු හා දත්ත නිවරදිව අවශ්‍ය වන බැවින් කෑගල්ල දිස්ත්‍රික්කයේ සියලු තොරතුරු එක්රැස් කරගෙන සම්පත් පැතිකඩ නිරවද්‍යතාවයෙන් යුතුව සකස් කල යුතු බව, කෑගල්ල දිසාපති/දිස්ත්‍රික් ලේකම් මහින්ද එස් වීරසූරිය මහතා සඳහන් කළේය.

කෑගල්ල දිසාපතිවරයා මෙසේ සඳහන් කළේ 2021 වර්ෂයේ ප්‍රථම ප්‍රාදේශිය ලේකම්වරුන්ගේ සමුළුවට සහභාගි වෙමිණි.තවදුරටත් දිසාපතිවරයා මෙහිදි සඳහන් කළේ, දිස්ත්‍රික්කයේ රාජ්‍ය ආයතන හා දෙපාර්තමේන්තු ප්‍රධානින්, ප්‍රාදේශීය ලේකම්වරුන් ,සහකාර අධ්‍යක්ෂවරුන්, දිස්ත්‍රික් ලේකම් කාර්යාලයේ ක්ෂේත්‍ර නිලධාරින් සහ දිස්ත්‍රික් ක්‍රමසම්පාදන කාර්යාලයේ නිලධාරින්ගේ සම්බන්ධිකරණයෙන් සම්පත් පැතිකඩ සකස් කල යුතු බවය.

මෙහිදි බහුකාර්යය සංවර්ධන දෙපාර්තමේන්තුවේ කටයුතු, අවශේෂ කැළෑ ඉඩම් කළමණාකරණයට අදාළ ඉඩම් හදුනාගැනිම පිළිබඳ ප්‍රගතිය, ග්‍රාමීය මටිටමින් ක්‍රියාත්මක කිරිමට යෝජිත අපනයන ගම්මාන වැඩසටහන,සහ යටිතල පහසුකම් සංවර්ධන වැඩ සටහන් වල ප්‍රගතිය සාකච්ඡා කෙරිණි.

මෙම අවස්ථාවට කෑගල්ල අතිරේක දිස්ත්‍රික් ලේකම් (පාලන) චරිතා ඉලංගකෝන්, අතිරේක දිස්ත්‍රික් ලේකම් (ඉඩම් හා සංවර්ධන ) දිනීෂා එස් රත්නායක, දිස්ත්‍රික් සැලසුම් අධ්‍යක්ෂ ඒ.ඒ වීරකෝන්, දිස්ත්‍රික් කෘෂිකර්ම අධ්‍යක්ෂ මංජුල පින්නලන්ද ,දිස්ත්‍රික් සමෘද්ධි අධ්‍යක්ෂ ටි. ඒ. පි. කුසුම්සිරි, සහකර දිස්ත්‍රික් ලේකම් විජයානි රත්නසේකර යන මහත්ම මහත්මින් ඇතුඑ ආයතන හා දෙපාර්තමේන්තු නිලධාරින් පිරිසක් සහභාගි වි සිටියහ.

Mrs. I.W.M.C.K.Illangakoon assumes of Duties as new Additional District Secretary (Administration), Kegalle

 

 

Mrs. I.W.M.C.K.Illangakoon assumed duties as Additional District Secretary (Administration ) of Kegalle Administrative District on 03.12.2020, in the presence of Mr. Mahinda S. Weerasooriya, District Secretary / Government Agent, Kegalle.

She having educated at Kandy Girls’ High School holds a Bachelor Degree of Biology in University of Kelaniya (Micro Biology) and she joined the Public Administrative Service in 1994 and Joined Public Administrative Service in 2000.

She was promoted to grade I of Sri Lanka Administrative Service and served as Assistant Secretary, Chief Office, Central Province, Assistant Divisional secretary Medadumbara, Assistant Director (Administration) – Department of Agriculture, Peradeniya. Director of (Establishment) of Ministry of Public Administration and Public Services and has an extensive experience in Administrative Service.

 

 

 

 

 

 ජනතා ගැටළු විසඳීම සඳහා දේශපාලන නියෝජිතයින් සහ රජයේ නිලධාරීන් ඒකාබද්ධව වැඩ කළ යුතුයි

---------------------------------------------------------------------------------------------------------------------

ජනතා ගැටළු විසඳා ගැනීම සඳහා රජයේ නිලධාරීන් සහ දිස්ත්‍රික් දේශපාලන අධිකාරිය ඒකාබද්ධව කටයුතු කිරීම වඩා වැදගත් වන බවත් එය ජනතාවගේ ගැටළු වඩාත් පහසුවෙන් සහ අවබෝධයෙන් නිරාකරණය කර ගැනීම සඳහා සාර්ථක ප්‍රවේශයක් වන බවත් කෑගල්ල මහ දිසාපති/ දිස්ත්‍රික් ලේකම් මහින්ද එස් වීරසූරිය මහතා 9 වන පාර්ලිමේන්තුව සඳහා අභිනවයෙන් තේරීපත්වු ජනතා නියෝජිතයින් පිළිගනිමින් අද (31) පෙරවරුවේ පැවති විශේෂ සංවර්ධන වැඩසටහන් පිළිබඳ සාකාච්ඡාවක දී සඳහන් කළේය.

කෑගල්ල දිස්ත්‍රික්කයේ විශේෂ සංවර්ධන වැඩසටහන් පිළිබඳ සහ දිස්ත්‍රික්කයේ ගැටළු පිළිබඳ මෙම සාකච්ඡාවේදී විශේෂ අවධානය යොමු කෙරුණ අතර පාර්ලිමේන්තු මන්ත්‍රිනී රාජිකා වික්‍රමසිංහ මහත්මිය කෑගල්ල දිස්ත්‍රික් සම්බන්ධීකරණ කමිටු නව සම සභාපතිනිය ලෙස සුභ මොහොතින් වැඩ ආරම්භ කිරීම ද මෙහි දී සිදු කළාය.

මෙම අවස්ථාව සඳහා සමාගම් වතු ප්‍රතිසංස්කරණ, තේ වතු ආශ්‍රිත බෝග කර්මාන්ත නවීකරණ, තේ අපනයන ප්‍රවර්ධන රාජ්‍ය අමාත්‍ය කනක හේරත් මහතා, කලාපීය සහයෝගීතා කටයුතු පිළිබඳ රාජ්‍ය අමාත්‍ය තාරක බාලසූරිය මහතා, කෑගල්ල දිස්ත්‍රික් සම්බන්ධීකරණ කමිටු සම සභාපති සහ කෑගල්ල දි දිස්ත්‍රික් පාර්ලිමේන්තු මන්ත්‍රිනී රාජිකා වික්‍රමසිංහ මහත්මිය, කෑගලු දිස්ත්‍රික් පාර්ලිමේන්තු මන්ත්‍රිනී උදයකාන්ත ගුණතිලක මහතා යන මැති මැතිවරුන් ඇතුළු ප්‍රාදේශීය සභා සභාපතිවරුන් ප්‍රමුඛ දිස්ත්‍රික් දේශපාලන අධිකාරිය සහ දිස්ත්‍රික් අතිරේක දිස්ත්‍රික් ලේකම් (පාලන) නාලිකා පියසේන, කෑගල්ල දිස්ත්‍රික් අතිරේක දිස්ත්‍රික් ලේකම් (ඉඩම් හා සංවර්ධන) දිනීෂා එස් රත්නායක මහත්මීන් ඇතුළු දිස්ත්‍රික් ලේකම් කාර්යාලයේ මාණ්ඩලික නිලධාරීන් සහ ආයතන රැසක රාජ්‍ය නිලධාරීන් සහභාගී වූහ.

 

කෑගල්ල දිස්ත්රික් මත් නිවාරණ ක්රියාකාරකම් සඳහා ස්වේච්ඡා කණ්ඩායම් පිහිටුවීමට කටයුතු කෙරේ
-------------------------------------------------------------------------------------------------------
 
නාගරික සහ ග්රාමීය පාසල්වල දරුවන් මත්ද්රව්ය උවදුරින් ආරක්ෂා කර ගැනීම සඳහා අධ්යාපන, සෞඛ්ය, ආරක්ෂක හා අදාළ අනෙකුත් අංශ ඒකාබද්ධව වැඩසටහන් ක්රියාත්මක කිරීම තුළින් හැකිවන බව කෑගල්ල දිසාපති /දිස්ත්රික් ලේකම් මහින්ද එස් වීරසූරිය මහතා සඳහන් කළේය.
කෑගල්ල දිසාපතිවරයා මෙසේ සඳහන් කළේ අද (24) පෙරවරුවේ දී දිස්ත්රික් ලේකම් කාර්යාල ශ්රවණාගාරයේ දී පැවැති මත්ද්රව්ය නිවාරණ ක්රියාකාරකම් සඳහා දිස්ත්රික් සවේච්ඡා සංවිධාන පිහිටුවා ගැනීමේ වැඩසටහනකට සහභාගී වෙමිනි.
මෙම වැඩසටහන අනත්තරායකාර ඖෂධ පාලක ජාතික මණ්ඩලය හා දිස්ත්රික් ලේකම් කාර්යාලය එක්ව සංවිධානය කර තිබිණි.
අතිගරු ජනාධිපති ගෝඨාභය රාජපක්ෂ මැතිතුමාගේ මතින් නිදහස් ජාතියක් , සෞභාග්යමත් දේශයක් සඳහා වන ජාතික දැක්ම යථාර්තයක් කර ගැනීම සඳහා මෙම දිස්ත්රික් මට්ටමින් පිහිටුවන ස්වේඡ්ඡා සංවිධාන තුළින් හැකිවනු බවද පෙන්වා දුන්නේය.
ජාතික ආර්ථිකය ශක්තිමත් කිරීම සඳහා යොදාගත හැකි විශාල මුදලක් මත්ද්රව්ය උවදුරින් ජනතාව බේරා ගැනීම සඳහා වැය කිරීමට සිදුව තිබෙන බව ද තවදුරටත් දිසාපතිවරයා සඳහන් කළේය.
මෙම අවස්ථාවට අන්තරායකර ඖෂධ පාලක ජාතික මණ්ඩලයේ කෑගල්ල දිස්ත්රික් බාහිර සේවා සහකාර එස්.සී තොටවත්තගේ පියතුමා , මත්ද්රව්ය අධ්යාපන හා තොරතුරු නිලධාරි කුමුදුනී ජයතිලක සහ චන්දිමා යන මහත්මියන් සහ ස්වේඡ්ඡා නිලධාරීන් පිරිසක් සහභාගී වී සිටියහ.

 

රු. ලක්ෂ 700 ක් වියදම් කර ඉදිකිරීම් අතරමඟ නවතා දමා තිබෙන කෑගල්ල දිස්ත්‍රික් ලේකම් කාර්යාල ගොඩනැගිල්ල කෑගල්ල දිසාපති /දිස්ත්‍රික් ලේකම් මහින්ද එස් වීරසූරිය මහතාගේ මැදිහත්වීමෙන් නැවත වැඩ ආරම්භ කිරීමට පියවර ගෙන තිබේ.

මෙම නව ඉදිකිරීම් කටයුතු සඳහා රු.මි. 198 ක් වෙන්කර ඇත. මොරටුව විශ්ව විද්‍යාලයේ මහාචාර්ය මානවඩු මහතාගේ උපදේශකත්වය යටතේ ශ්‍රී ලංකා රාජ්‍ය ඉංජිනේරු සංස්ථාව විසින් ඉඳිකිරීම් කටයුතු සිදුකරනු ලබයි. මේ වන විට දිස්ත්‍රික් ලේකම් කාර්යාලය තුළ මහජන සේවාවන් අඩු පහසුකම් මධ්‍යයේ සිදුකරගෙන යනු ලබයි. එමෙන්ම රාජ්‍ය ආයතන ගණනාවක් කුලී පදනම මත පෞද්ගලික ගෙඩානැගිලි වල සිය සේවාවන් පවත්වා ගෙන යනු ලැබේ. එම ගැටළු වලට මෙම නව ගොඩනැගිල්ල ඉඳිකිරීම තුළින් විසඳුම් ලැබෙන අතර වඩාත් කාර්යක්ෂම මහජන සේවාවක් එකම ස්ථානයක් තුළ දී ජනතාවට ලබා ගැනීමට ද හැකි වේ.

 

  

 

පසුගිය දින කිහිපය තුළ දි කෑගල්ල දිස්ත්‍රික්කයට ඇදහැලුණු අධික වර්ෂාව හේතුවෙන් පවුල් 1009 ක පුද්ගලයින් 2561 දෙනෙකු පිඩාවට පත්ව ඇති බවත් පුද්ගල මරණ 03 ක්ද වාර්තා වුණු බව කෑගල්ල දිසාපති/දිස්ත්‍රික් ලේකම් මහින්ද එස් විරසුරිය මහතා සඳහන් කළේය.

මේවන විට විපතට පත් පවුල් සඳහා සහන සැලසිමට රුපියල් මිලියන 05 ක් ජාතික ආපදා සහන සේවා මධ්‍යස්ථානය හා ආරක්ෂක අමාත්‍යාංශය මගින් ලබාදි ඇති අතර අදාළ කොට්ඨාස වල ප්‍රාදේශිය ලේකම්වරුන් මඟින් සහන ලබාදිමට පියවර ගෙන තිබේ. ආපදා හේතුවෙන් සිදුවු මරණ 03 වෙනුවෙන් රුපියල් 25000 බැගින් අත්තිකාරම් මුදල් ලබාදුන් අතර එක් මරණයක් සඳහා රුපියල් 225000 බැගින් වන්දි මුදල් ලබාදිමට කඩිනමින් පියවර ගන්නා බව ද ඒ මහතා සඳහන් කළේය.

කෑගල්ල දිස්ත්‍රික්කයේ ප්‍රාදේශීය  ලේකම් කොට්ඨාස 11 තුළ ග්‍රාම නිළධාරි වසම් 171 ක ආපදා තත්ත්වයන් වාර්තා වු අතර පවුල් 1018ක් පීඩාවට පත්ව තිබේ. ඒ අනුව පුර්ණ වශයෙන් නිවාස හානි 09 ක්, අර්ධ වශයෙන් හානි 568 ක්, සුඑ හානි 42 ක් ,ගෘහ උපකරණ විනාශ විම් 312 ක් සුඑ හා මධ්‍ය පරිමාණ කර්මාන්ත හානි (පුර්ණ වශයෙන් ) 11ක්, යන්ත්‍රෝපකරණ හානි 108 ක් , තොග හානි 12 ක් හා ව්‍යාපාර හානි 278 ක් වාර්තා වුණු බව ද දිසාපතිවරයා වැඩිදුරටත් සඳහන් කළේය.

මෙම ඇති වු හදිසි ආපදා තත්ත්වය තුළ දී පිඩාවට පත් ජනතාවට සහන සැලසිම සඳහා කඩිනමින් කටයුතු කළ ප්‍රාදේශීය ලේකම්වරුන් , ආරක්ෂක අංශ නිළධාරින්, රාජ්‍ය නිළධාරින් හා ජනතාව දැක්වු සහාය අගය කරන බව දිසාපති මහින්ද එස් වීරසූරිය මහතා සඳහන් කළේය.

 

           

 

 කෑගල්ල දිස්ත්‍රික්කයේ මහජනතාව වෙත,


කොවිඩ්-19 වෛරසය හේතුවෙන් කෑගල්ල දිස්ත්‍රික් ලේකම් කාර්යාලයෙන් ඔබට යම්කිසි සේවාවක් අවශ්‍යද?
කෑගල්ල දිස්ත්‍රික් ලේකම් කාර්යාලය වෙත රෝගියෙකු පිළිබඳ තොරතුරු ලබා දීමට, ඉල්ලීමක් කිරීමට, දුක් ගැනවිලි ඉදිරිපත් කිරීමට, අවශ්‍යතා පිළිබඳ දනුම් දීමට, යෝජනා / චෝදනා ඉදිරිපත් කිරීමට අවශ්‍යද?
ඔබගේ ගැටලු පහත සබැඳිය හරහා අප වෙත යොමු කරන්න.

https://forms.gle/syBvwkTQbxcmcGWMA

 

කෑගල්ල covid - 19 දිස්ත්‍රික් මෙහෙයුම් ක්‍රියාකාරී කමිටුව

 

 

 

 

 

 

FaLang translation system by Faboba